mprìmmese

Bemmenute dint’ô primmo puosto napulitano ’e tutt’ ’a rezza! L’avimmo fravecato pe ffà canoscere ’a Campania e ’a lengua soia a cchi ce campa e ce fatica. Sì, è overo, ce ne stà quaccherun’ato, ma nun se capisce nquala lengua ll’hanno scritte, po songo quase tutte quante chine ’e vacantarìa e, pe cchiurere, ’un so’ bbelle comm’ô nuosto. Nuie ausammo n’ortografia sturiata apposta p’ ’o nnapulitano ca se parla a Nnapule int’ê mmure. ’O puosto è addedecato però a ttutt’ ’e ggente r’ ’a Campania e vvò rà spazzio a ogne parlata ca r’ ’o nnapulitano è pparente astretta. Ce nnirizzammo pure a llinguiste ca tenessero ’a dicere quaccosa, a ffurastiere che ne vonno sapé nu poco ’e cchiù, e a ttutte ’e guagliune nuoste ca se so’ viste ’e scippà ’a lengua ’e ll’antenate lloro e ’a ntenneno assapé pe s’ ’a piglià pe mmamma.
Tenimmo parecchie idee e nu bbuono prugramma e abbiate ca sarranno pubbrecate int’a sti ppaggene pe deffonnere e ffà canoscere ’a lengua napulitana, ’a cultura soia e ogne prubblema ca se porta appriesso. Ate ne chierimmo a cchi vò rà na mano, faticanno nzieme a nnuie, mannannoce ammasciate, articule, preposte. Ce serve ncopp’a ttutto ’o seccurzo r’ ’e patute ’e fore Napule e de chi sape bbuono ’e pparlate e ’a cultura r’ ’e gruosse paise piccerille r’ ’e ppruvince, r’ ’o Celiento, r’ ’o Sannio e dde ll’Irpinia. Chi trase e llegge int’a stu puosto truvarrà sicuramente nu campo propeto ’e nteresse e si stà ’e ggenio ce mannasse senz’attrasso ’o nniro c’ha miso ncopp’ô gghianco. ’A redazzione valutarrà spunzabbelmente ’a pussibbeletà ’e pubbrecazzione int’a n’apposeta rubbrica.

Premessa
Benvenuti nel primo sito napoletano dell’intera rete! In verità ce n’è già qualcuno, ma non s’intende in quale lingua l’abbiano scritto, inoltre sono quasi tutti pieni di vuotaggine e, infine, non sono belli come il nostro. Noi adoperiamo un’ortografia studiata a bella posta per il napoletano standard intramurario. ’O puosto è dedicato tuttavia a tutte le genti della Campania e intende dare spazio a ogni parlata che sia parente stretta del napoletano. Ci rivolgiamo pure ai linguisti e ai forestieri che vogliano saperne di più e a tutti i nostri giovani ai quali è stata tolta la lingua dei loro antenati e intendano scoprirla per farsene una madre.
Abbiamo molte idee e un buon programma d’iniziative che saranno pubblicate su queste pagine per diffondere e far conoscere la lingua napoletana, la sua cultura e ogni problema che si porta dietro. Altre ne chiediamo a chi vuol collaborare, inviandoci messaggi, articoli, proposte. Ci occorre soprattutto il soccorso degli appassionati fuori di Napoli e di chi sa bene le parlate e la cultura dei piccoli e grandi centri provinciali, del Cilento, del Sannio e dell’Irpinia. Chi entra e legge in questo sito non mancherà di rintracciarvi un campo proprio d’interesse e se ne ha voglia ci spedisca senza indugio il nero che ha messo sopra il bianco. La redazione valuterà responsabilmente la possibilità di pubblicarlo in un’apposita rubrica